امممممم مااتذكر مواقف
اها لقيتها
في مرة اختي كانت تبغى تاخذ شي من وحدة حرمة مااعرفها المهم
هذه الحرمة كانت ساكنة في شقة او عمارة شي زي كدا
والحرمة طالعة ماادري وين راحت فتصلت على اختي قالت انه الشغالة هي رح تعطيكي الشي
المهم
وانا رحت مع اختي وصلنا اخوية وطلعنا بس اخوية قعد في السيارة
دخلنا المبنى ودخلنا في المصعد وبعدين خرجنا من المصعد كان في بابين قدامنا
رحنا اللي عاليسار وبعدين دقينا الجرس ما حد فتح اختي قالت رح تتصل على الحرمة
بس وين الجوال حقها الجوال كان في السيارة تحت
وبعدين قالت لي انزلي وجيبي لي الجوال قلت لها طيب كيف بعدين اضيع
قالت ادخلي المصعد واضغطي على الرقم (0) وحتنزلي وجيبي الجوال واطلعي على الدور الرابع
قلت لها طيب وانا خاااايفة المهم نزلت ودخلت السيارة كان في اخوية جبت الجوال
ودحينة وقت الرعب دخلت المصعد ضغطت على (4) المهم وطلعت
في باب المصعد في مرايا يعني تشوفي اللي برا
المهم وانا قاعدة اشوف المرايا ادور على بابين وعاليسار في وحدة لابسة عباية
المهم طلع المصعد وما لقيت اختي وفجأة وقف المصعد
وتخيلوا ما لقيت اختي قلت يمكن ضغطت على رقم ثاني بالغلط وانا ميتة رعب
بس ما طلع غلط
فكرت انو في احد خطفها ولا احد قتلها ولا ضاعت ولا ماتت
المهم جلت استنى خااااايفة فاتكم شكلي الصارحة توووحفة
وبعدين سمعت صوت من الباب طلع ايييش
هي كانت جوا الشغالة فتحت لها الباب وانا تحت
هههههههههههههههههه اش رايكم بالله انا مو خواافة