صباح الخير والأحساس والطيبه
صباحكم مشعلل على أنغام الشمس الحارقه وبراد المكيف الصحراوي والبزبوز يتقاطر مياهه في هاذا اليوم الجديد الصاخب بـ أصوات العصافير المزعجه فوق مكيف غرفتي
شخباركم مع الحر ذا والله ياعلينا احوال جويه استغفر الله ترفع الضغط وتجيب للواحد مرض زهيمر من القهر
بدايه أحلى تحيه لـ الناس المعلمه ,, وأحلى تحيه لـ ابوالعلمين صاحب أفضل محل كوشري بشارع الخزان بالرياض ,, وأعظم تحيه لراشد الماجد واقوله ماودك تعطيني صوتك سلف يومين وارجعه لك ,,
صدق الشاعر المصري اللي ساكن بـ أحد احياء جنوب الرياض يوم قال التجاره شطاره وعبدالحي أكبر خساره ,, مالكم بالطويله ,,
●●
السالفه ومافيها ,,
مسابقة مين أنـآ : )
طبعاً يوزر جديد أسمه مين أنا كل اسبوع بيكون مع شخصيه في المنتدى بيدخل الموضوع وبيتكلم عن نفسه شوي غير أسئلة الاعضاء اللي بتتوجه له
يعني مثل الأسئله هاذي ,, أنت مشرف أو عضو أو مراقب , متى تاريخ تسجيلك , بأي قسم تتواجد , أي نادي رياضي تشجع , تتواجد بشكل يومي او لا , ولد او بنت وهكا
واللي عنده أسئله يحاول يصيد فيها العضو او يحجر له يطرحها براحته بس أهم شي يطلع لنا اليوزر هاذا مع من
وصاحب الجواب الصحيح ياخذ 5 نقاط واللعبه مستمره لـ مدة شهرين بعد الشهرين نشوف اكثر عضو مجمع نقاط فيها راح تكون جوائزه فله ان شاء الله : )
الفكره واضحه واتوقع سهله على الجميع واللعبه لـ سعة الصدر وكسر حاجز الروتين وقبل ماننهي الموضوع فيه شوية شروط بتكون عندنا ,,
الشروط :
1/ يحق للعضو اختيار اسمين بس يعني موب الدعوه سلق بيض كل واحد يجي يشطح لنا بـ 50 اسم
2/ بسبب الامانه الزايده اللي عند بعض الناس ,, أي عضو ياخذ عضوية مين أنا ويروح يعلم فلان وعلتانه عشان تاخذ النقاط راح نمزعه بوز
3/ اللي يبي يسجل معنى يرفع إيده اليمين
4/ اللي مشاركاته أقل من 200 لايحرجني ويطلب اليوزر
وبس خلاص
بايو